Sigrás < Cidriales < *Citreales

O topónimo Sigrás, dumha freguesia no concelho de Cambre, remete-nos a um abundancial do latino CITREUS 'cidro', ou isso opino à vista da seguinte mençom:

"villa que dicitur Cidriales cum ecclesia Sancti Iacobi"

Que pertence a um documento do ano 932, hoje preservado no arquivo do reino de Galiza, que foi editado por Carlos Sáez no 2003 (Galicia 3. ISBN 84-8138-597-2). No documento a rainha Aragonta fai umha generosa doaçom ao mosteiro de Cambre.

Sem este documento seria impossível atribuir essa etimologia ao devandito topónimo. Eis a importáncia extrema de conhecer a história dum topónimo previamente a propor umha etimologia, se nom queremos que essa etimologia poda ser sacudida pola brisa.