Estevan Martis

Início acô umha série adicada as inscriçons em galego que achamos ao passar polas nossas ruas e as que a gente nom presta atençom. E escomeço polo que é, para mim, um clássico: a inscriçom fundacional dumha casa de Pontevedra, mandada fazer polo regedor Estevam Martis (o seu apelido, ainda bem vivo em Barvança, é a nossa forma do castelhano Martínez. Os notários e cregos amantes do uniformismo tém cambiado o primeiro polo último um sem número de ocasions):

A inscriçom, disposta em dous renglons, o superior em relevo e o inferior gravado, e escritaem letra gótica, di:

"ESTA : OBRA : MANDIU : FAZER :

ESTEVAN : MARTIS REGEDOR : ERA : DE CCCC"

Quer-se dizer, o ano 1362, que equivalente à era 1400. Umha mam corrigiu posteriormente a data, noutro tipo de letra, gravando por baixo um círculo máis os caracteres xxxviii (38), coa nova dataçom baseada no nascimento de Cristo: 1400 - 38.

É mui fermoso tamém o escudo de armas.